Veltið kjúklingabitunum upp úr hveiti

Hitið smjör á stórri/pjúpri pönnu og brúnið kjúklingabitana á öllum hliðum

Leggið kjúklingabitana til hliðar á bökunrpappír (dregur aðeins í sig auka fituna)

Ef mikill vökvi er á pönnunni eftir steikinguna hellið þá hluta af honum af svo eftir sé einungis um 1-2 msk af vökva

Skerið beikonið í litla bita/sneiðar

Skerið sveppina í 2-4 hluta hvorn

Pressið hvítlauksrifin

Afhýðið skalottulaukana, má skera í tvennt en líka flott að hafa heila

Steikið á pönnunni í vökvanum beikon, sveppi, hvítlauk og skalottulaukana þar til skalottulaukurinn er orðinn gullinn, hrærið í á meðan

Bætið kjúklingabitunum aftur á pönnuna

Hakkið fersku steinseljuna og bætið á pönnuna

Bætið við koníaki, hvítvíni, kjúklingakrafti, lárviðarlaufi og tómat paste

Lækkið í miðlunghita undir pönnunni og látið krauma undir loki í 30-40 mín eða þar til kjúklingurinn er tilbúinn

Fjarlægið kjúklingabitana úr sósunni og sjóðið hana aðeins áfram þar til hún er orðin dálítið þykkari

Takið lárviðarlaufið úr sósunni og hendið

Berið fram kjúklinginn með sósunni og baquette…. ef þið viljið gera alveg eins og Frakkarnir… en það er líka hægt að gera þetta íslenskara og bera fram með hrísgrjónum og hvítlauksbrauði 😉