Setjið ger, salt, sykur og ólífuolíu í skál.

Hellið volga vatninu yfir og hrærið aðeins í (gott að láta þetta síðan standa í nokkrar mínútur).

Blandið saman í aðra skál hveit og lyftidufti.

Bætið hveitiblöndunni smám saman út í gerblönduna og hnoðið saman í deig.

Setjið plastfilmu yfir skálina og látið lyfta sér á frekar heitum/volgum stað (passa t.d. að hafa alls ekki opinn glugga nálægt) í 60 mín.

Setjið bökunarpappír á djúpa ofnskúffu (eða í 2 pönnur sem mega fara í ofn).

Fletjið deigið út og setjið á ofnskúffuna.

Hyljið ofnskúffuna með plastfilmu og látið lyfta sér á frekar heitum/volgum stað í 30 mín.

Ef þið viljið gera hvítu sósuna er gott að gera hana á meðan deigið er að lyfta sér.

Hitið ofninn í 200°C.

Hrærið saman mayonesi, sýrðum rjóma, pressuðum hvítlauk og kryddið með basiliku og oregano kryddi eftir smekk.

Setjið sósu og hvaða álegg sem ykkur langar í á pizzuna og bakið í um 15 mín. (Á þessari á myndinni vorum við með: hvítu pizzusósuna, skinku, papriku, pepperoni, lauk, sveppi, tómata, þistilhjörtu, capers, ferska basiliku, rifinn ost og oregano krydd. Þegar hún er borin fram er sett ruccola ofan á og restin af hvítu sósunni með)